Ég var á leiðinni í partý með félaga mínum. Við vorum eins ólíkir og hægt er að ímynda sér, hann var nýútskrifaður úr lögfræði á þeim tíma, fínn og frambærilegur, hefði ábyggilega verið kosinn „líklegastur til að verða nýríkur“ í grunnskóla hefði það verið valmöguleiki. Ég var hins vegar að læra ritlist og á milli […]
Pólitísk ljóðlist fyllir mig von. Allt er mögulegt í pólitískri ljóðlist. Valhopp ímyndunaraflsins kemur í stað yfirvalda. Pólitísk ljóðlist ofsækir ekki minnihlutahópa nema í undantekningatilfellum: Annað hvort minnist hún ekki á þá, eða hún dásamar þá, oftast nær. Pólitísk ljóðlist dáist að framkvæmdum mannanna. Ljóðskáldin skrifa eins og það sé framkvæmd, undarlega óvirk tegund […]
½ dl frelsi einstaklingsins ¼ dl frelsi einstaklingsins 3 dl frelsi einstaklingsins 1 tsk. frelsi einstaklingsins smá frelsi einstaklingsins ef vill frelsi einstaklingsins af hnífsoddi Þetta er frábært frelsi einstaklingsins sem þarf aðeins að setja í skál og hræra lauslega saman. Stráið frelsi einstaklingsins yfir. Til að toppa þetta alla leið er snilld að hella smá frelsi […]
Þessi uppskrift er úr bók sem kemur út í lok vikunnar, hún heitir: Hjálp, barnið mitt er grænmetisæta! Matreiðslubók fyrir ráðvillta foreldra, vanafasta heimiliskokka, fátæka námsmenn og alla aðra sem ættu að borða meira grænmeti. Þetta er einn af mínum uppáhaldsréttum í bókinni, hér er unnið gegn matarsóun með því að nota gamalt brauð, sótsporið […]
Vélasalurinn Það er skipst á vöktum við gangverk auðvaldsins. Vinstri öflin leysa hægri öflin af og svo öfugt. Í vélasalnum hafa allir hlutverki að gegna og engum dettu í hug að bregðast skyldu sinni. Dagarnir eru misgráir í þessu ríki auðs og frama. Árin líða og áratugir án þess að snurða hlaupi nokkru sinni á […]
Til reikningsskila, skortsins fangar, sem skipið heimsins vinnustétt! Nú skjálfa valdsins skorður strangar við skuldakröfu um fólksins rétt! Fylk þér, alþýða, í forystusveitir! Fullan rétt þú sækja skalt! Hið gamla ríki um grundvöll breytir: Vér gildum ekkert, verðum allt. Sókn til frelsis er falin vorri fylkingu í dag, unz Internasjónalinn er allra bræðralag! Oss frelsa […]
[soundcloud url=”https://api.soundcloud.com/tracks/210488907″ params=”auto_play=false&hide_related=false&show_comments=true&show_user=true&show_reposts=false&visual=true” width=”100%” height=”450″ iframe=”true” /]
VEFSTÓLAR Upp úr kjallaranum voru teymdar tíu brúnar konur og fólk greip um andlit sín í hryllingi. Þær báru hlekki um ökklana eftir að hafa verið tjóðraðar með keðjum við vefstóla. Þær voru færðar á lögreglustöð hvar þeim voru gefnar bollasúpur og teppi lögð um axlir þeirra. Teppin höfðu þær ekki ofið sjálfar heldur aðrar […]
Við viljum ganga í Evrópusambandið eða ekki og Noreg eða ekki og kjósa um nýja stjórnarskrá eða ekki. Við viljum vera frjáls. Við viljum vera sjálfstæð. Við viljum vera reið og að á okkur sé tekið mark. Krafan er skýr og krafan er þessi: Við mótmælum Landspítalanum og flugsamgöngunum og jarðgöngunum. Við mótmælum Stöðvarfirði og […]
1. Í höll Þyrnirósar Nú heimta ég orðið ég sem ánauðug þjónaði höfðingjaslekti og fékk ævintýrið gegn mér að launum. Fárra kosta átti ég völ mátti stýfa úr hnefa meðan drottningin taldi gulldiska sína. Ég stóð að jafnaði við spunann en starfi minn var hvergi lofaður ætíð skyldi vegsamað iðjuleysi kóngsdótturinnar. En svo mættumst við […]
[soundcloud url=”https://api.soundcloud.com/tracks/180111580″ params=”auto_play=false&hide_related=false&show_comments=true&show_user=true&show_reposts=false&visual=true” width=”100%” height=”450″ iframe=”true” /]
Lóa góða hundskastu upp við vegg
já nú verður þú loks skotin
því að þú hefur hallmælt letinni bitch
og þau orð þín voru rotin
allir vilja reis’ við fallbyssurnar
á meðan stend ég og stari
því úr verki verður harla margt
ef maður er aldrei latur
vinnan er mölur, já, vinnan er ryð
böl sem getur öllu grandað
mann fyrir mann og borg fyrir borg
en við viljum bara frið
lóa góða öll götuljósin eru rauð
og stimpilklukkan logar
mávurinn besti kemur snart
og étur hræið þitt góða
Texti: Lommi
Lag: Páll Ivan frá Eiðum
Ég mótmæli: meðferð yfirvalda á flóttamönnum, ofstopa stöðumælavarðanna, aðförinni að einkabílnum, skortinum á umburðarlyndi, undanlátsseminni, verðinu á erlendum osti, því að flytja eigi flugvöllinn, niðurskurðinum í heilbrigðiskerfinu, því að langa í eitthvað en fá það síðan ekki, ferðamannasprengingunni í miðborginni, sjálftökunni í kerfinu, hótelvæðingunni, verðtryggingunni, flösu, staðsetningu flugvallarins, tilvist flugvalla yfirleitt, hugmyndinni um öldrun, fáskiptni […]
Sjálfvirknivæðing mun á næstu árum og áratugum taka yfir æ fleiri störf verkafólks, gervigreind og sífellt flóknari sjálfvirk vélmenni munu gera fjölda starfsstétta óþarfar. Þetta óttast verkalýðshreyfingar og verkamannaflokkar víða um heim og hafa í mörgum tilfellum tekið afstöðu gegn þróuninni – en kannski eiga þessir hópar þvert á móti að fagna henni. Það er […]
Þessi grein um stöðu verkakvennahreyfingarinnar birtist í 1. hefti nýs tímarits kvenna, Melkorku, sem kom út óslitið til 1962.
Kommúnistar elskast í uppstigningarrigningu sammála æðstu sovétunum étnum upp til agna í krústjeffskum reikningsskilum kristlegra smurninga án andstæðra sáðmanna og kvenlegra aðstæðna í innanbúðum bolsévíska uppreisnarsambandsins risnu í blautri samfellu sífallandi af himnum sem óðamála Marxistar lepja í kenningum sísleiktra klofninga nýneglds krossviðs trotskískra Samverja hólpnir í allsherjarverkfalli taktfastra samverkamanna kossaflengdra lenda hugsandi byltingarsinna sáttmálandi […]
… … … … … … … … … … … …
Af hverju er Fátækt fólk eftir Tryggva Emilsson ekki skyldulesning í grunn- eða framhaldsskóla? Eftir lestur þessarar mögnuðu sögu Tryggva finnst mér helst til undarlegt að hana hafi ekki rekið á fjörur mínar fyrr. Ég er enginn sérfræðingur í sögu Íslands eða þeim bókmenntum sem nýta sagnaarfinn en þykir mikilvægt að viða að mér fróðleik […]
Jón steig út úr strætó í hverfi sem hann hafði aldrei komið í áður. Gangstéttin var hörð undir fæti og greinilega nýsteypt. Enginn manneskja var á ferli; einungis bílar sem hópuðust saman kringum turna úr stáli og gleri. Þeir risu með reglulegu millibili upp úr malbikinu og hýstu skrifstofur allskonar fyrirtækja. Jón þrammaði þvert yfir […]
skessuríma frekjast framm miðjumoð það mykjuskroð mussu klessu frussu soð nammi namm og krossa kramm kyngi pyngju klaufa dramm laufa lýkur loðnu fljótt skipast veður skipa skjótt lyngið á sinn laufa bing mikið er mín tunga sling mullið mjúkt í ljóða gring subbu krubbu krakka krúkt komdu að éta barnið mjúkt mild er mjöðm og […]
ef það sem þú vilt er störf handa öllum, þá ertu ennþá óvinurinn, þú hefur greinilega ekki hugsað til enda hvað það þýðir ef það sem þú vilt er húsnæði, iðnaður (GE á Navajó verndarsvæðinu) bíll handa öllum, bílskúr, ísskápur, sjónvarp, meiri pípulagnir, vísindalegar hraðbrautir, þá ertu ennþá óvinurinn, hefur kosið að fórna plánetunni fyrir […]
Hann hafði farið í allar 1. maí göngur. Allt frá því hann var 12 ára og byrjaði að beita hjá Bjössa graða; lærði handtökin fyrir hádegi, beitti eins og fljótustu karlarnir eftir vikuna. Hann skipti sér lítið af verkalýðsmálum en seldi þó alltaf merkið á 1. maí. Ef hægt var að tala um merki, alltaf […]
Við erum saman komin, ég og þú og svo margir aðrir, til að fagna því að við vitum ekkert í okkar haus. Hausinn okkar er þó fullur af alls konar hugmyndum og vitleysu og staðreyndum um tilgangslausa hluti, en engan þeirra virðumst við geta notað okkur til framdráttar í þessum heimi, eins og hann er […]
Stundakennari við Háskóla Íslands sækir himinháan stafla af ritgerðum á þjónustuborðið í Gimli og reynir að gleyma nóttinni þegar hann reiknaði út að með þessu áframhaldi tekur það hann nákvæmlega níutíu og sjö ár að borga námslánin.
Erfitt að leggjast ekki í gólfið þegar börnin byrja að væla. Erfitt að geta ekki velt sér á hina hliðina þegar hún vill ræða málin. Erfitt þegar forstjórinn kitlar alla nema mig. Erfitt þegar reikningar birtast í heimabankanum. Erfitt þegar launablað Frjálsrar verslunar kemur út. Erfitt þegar bíllinn stenst ekki skoðun. Erfitt að fá léttan […]
Við skruppum oft í kaffitímanum og eftir vinnu til að fá okkur að drekka og borða hjá henni Stínu sem bjó við hliðina á Íshúsfélaginu. Nokkrar hressar konur úr slorinu sem fengu sér oft í staupin. Stína var einstæð móðir sem átti tvo stráka og vann mikið. Hún var hávaxin og grönn kona með bein […]
Tannhjól gnístast saman, þjöppuð, tönn fyrir tönn. Jaðrar drauma eru að baki; skipsflök í sandi. Skuldum vafin svíf ég gegnum hliðið, hlekkjuð ung bakaramey. Negldur á krossi hlær gamall smiður og gefur mér auga fyrir auga. Hvimleið er þessi hringrás. Skyldi honum ekki líka leiðast? Hrafnar tveir hliðverðir undirmeðvitundar lækka flugið með háværu krunki. Það […]
Ég … er að bíða eftir að kreppan drepi mig. Að hún komi inn um gluggann, raunveruleg, og myrði mig. Í nóvemberlok dreymdi mig að farið væri að snjóa. Mitt á milli frétta sem allar greindu frá sjálfstortímingu dreymdi mig að það væri farið að snjóa. Að það snjóaði á hrunið. Ég sá norpandi smáfugla […]
Maður gengur hjá með brauðhleif á öxlinni. Ætla ég að skrifa, að því loknu, um tvífara minn? Annar sest, klórar sér, tínir lús úr handarkrikanum, drepur hana. Stoðar þá eitthvað að tala um sálgreiningu? Annar hefur potað priki inní brjóstið á mér. Á ég svo svo að ræða Sókrates við lækninn? Haltur maður gengur hjá […]
Pappír til Ameríku röflar lúgumaðurinn restin eitthvað óskiljanlegt hefur tekið tvöfaldar vaktir alla vikuna þá fyrsta alltaf á eyrinni Pappír til Ameríku svarta skipið tekur tólf þúsund tonn ef við lokum ekki millidekkjum heldur leggjum tvöfaldan krossvið á milli samskeytin á kross prýðis dansgólf fyrir lyftarann Pappír til Ameríku fyrir Vassingtún Póst Nýju-Jórvíkur Tiðindin og […]
1 Ef alltaf oftar næstum allir fá alltaf oftar næstum allt, munu alltaf oftar næstum allir alltaf oftar næstum eiga allt. 2 Ef alltaf oftar næstum allir munu alltaf oftar næstum eiga allt, mun alltaf oftar næstum allt alltaf verða minna. 3 Ef alltaf oftar næstum allt mun alltaf verða […]
Einu sinni var þjóð sem hafði mikið dálæti á steypu, steinsteypu. Þau reistu sér hús og blokkir og byggingar og létu meira að segja steypa yfir garðana sína: „Því þá losnum við hratt og örugglega við þessi grös sem spretta svo hratt, að ekki sé talað um hin eilífu smáblóm sem laða að sér skordýr […]
Við erum þegar í sjálfheldu búin að rúlla niður þverhnípi brenna reipi brenna skó sitjum á sillu milli lifandi og dauðra búin að ýta á alla rauðu takkana snúa tveimur lyklum drekka allt grunnvatnið allan bjórinn og bolluna búin að lifa áratugum saman í eftir – eftir að-inu eftir að við rústuðum öllu segjandi sögur […]
Eða: Ars Poetica (undirstrikað til áhersluauka) Eða: „Brennist að lestri loknum“ Ég bið til Guðs að fólk virði þann þagnarmúr sem umlukið hefur ljóðlistina, að það haldi áfram að sýna ljóðum hvorki lotningu né hafa þau að spotti; að fólk hvorki fyrirlíti né upphefji þau. Hvort um sig felur í sér athygli og er af […]
Ég hef séð gömlu guðina fara og nýja guði koma. Dag af degi og ár af ári skurðgoðin falla og skurðgoðin rísa Í dag dýrka ég hamarinn
Enn á ný sýna ársskýrslur að framleiðsluafköstin eru mest í táraverksmiðjunni. Á meðan samgönguráðuneytið hopaði á hæl og ráðuneyti hjartans mála barðist um í geðshræringu starfaði táraverksmiðjan dag og nótt og á helgidögum voru meira að segja slegin ný met. Á meðan fæðumeltingarstöðin japlaði á hörmungum dagsins tók táraverksmiðjan upp nýja og hagkvæma framleiðslutækni við […]
Ég mun framleiða bíómynd um hvað kapítalisminn er vondur og hún mun græða þúsund milljón dollara. Hún mun selja byltingarbling á tvöþúsund milljónir dollara og sá byltingarfræjum í þrjúþúsund milljón hjörtu.
Ég geri það því ég veit að maginn gaular hærra en hjartað slær og hann gaular á súpermáltíð, megaviku og happy hour. Byltingin er í eftirmat en hún er bara á matseðlinum á litlum lífrænum fjölskylduveitingastað í útjaðri borgarinnar, sem verður lokaður í allt sumar, vegna þess að við erum að taka upp framhaldsmyndina einmitt þar.
Á meðan megið þið sætta ykkur við ís í brauðformi, það verður ykkar eina bylting þetta sumarið, bylting frá heitri sólinni sem þið bölvið meira en okkur sem bræðum jöklana fyrir ykkur, sólinni sem þið látið brenna ykkur en leyfið ekki fyrir nokkra muni að koma í staðinn fyrir þessa dýrðlegu olíu sem stundum framkallar fallega grá ský til varnar þessari helvítis sól.
Áður en þið drukknið munum við svo koma fyrir tíu ísbúðum á hálendinu þannig að eftirlifendur geta haldið byltingunni áfram svo lengi sem sólin skín. En þegar síðustu geislarnir hverfa frá kulnaðri jörðinni verður engin bylting lengur og geimvindarnir munu blása sigðinni úr frosinni greip þinni.
Ásgeir H. Ingólfsson
[soundcloud url=”https://api.soundcloud.com/tracks/160248144″ params=”auto_play=false&hide_related=false&show_comments=true&show_user=true&show_reposts=false&visual=true” width=”100%” height=”450″ iframe=”true” /]
Það minnist mín engin, sagði gamall maður. Og enginn þakkar mér fyrir að hafa stofnað Garðabæ.
