Ég er María. Ég bý í Vantaa. Þú átt að hafa heilbrigðar skoðanir og stæltan líkama.
Stykkið fer samtímis fram á tveimur plönum.
Leita að jafnaldra sem stundar íþróttir, ekki undir 175 cm.
Hvaða staður sem er þar sem almenningur heldur sig þjónar tilganginum.

Stykkið fer samtímis fram á tveimur plönum.
Ég fer með þig í græna herbergið mitt, og þó
hvaða staður sem er þar sem almenningur heldur sig þjónar tilganginum.
Ég er grannvaxin einstæð móðir tveggja loðinna barna. Ég afgreiði ekki mín mál í gegnum síma.

Ég fer með þig í græna herbergið mitt, og þó
þú hringir og lest inn auglýsinguna sem þú hefur undirbúið (ekki fleiri en sex línur). Símsvarinn upplýsir:
Ég er grannvaxin einstæð móðir tveggja loðinna barna. Ég afgreiði ekki mín mál í gegnum síma.
En ef þú virkilega vilt þá veistu hvar þú finnur þessa konu. Ég býð ekki kynlíf.

Þú hringir og lest inn auglýsinguna sem þú hefur undirbúið (ekki fleiri en sex línur). Símsvarinn upplýsir:
er það virkilega svo að í gervöllu P-Tavastlandi finnist enginn heiðarlegur, vingjarnlegur karlmaður sem eltist ekki við kvenfólk.
En ef þú virkilega vilt þá veistu hvar þú finnur þessa konu. Ég býð ekki kynlíf.
Dramatíska kúrfan hefst við fyrstu sýn, teygir sig yfir kynningartímabilið og nær til kveðjustundar.

Er það virkilega svo að í gervöllu P-Tavastlandi finnist enginn heiðarlegur, vingjarnlegur karlmaður sem eltist ekki við kvenfólk?
Ég er næturinnar myrka og æsandi, unga og síðhærða kona.
Dramatíska kúrfan hefst við fyrstu sýn, teygir sig yfir kynningartímabilið og nær til kveðjustundar.
Maðurinn lofaði aftur öllu milli himins og jarðar! Yfirgaf fljótlega ljóta og feita kellingu.

Ég er næturinnar myrka og æsandi, unga og síðhærða kona.
Ég býð upp á persónuleika, gáfur, innri og ytri fegurð, í skiptum fyrir hvað
maðurinn lofaði aftur öllu milli himins og jarðar! Yfirgaf fljótlega ljóta og feita kellingu
til að hefja vinasamband með venjulegri einstæðri móður (03-svæðinu, 179-60, 30-40 ára gömul, menntuð, dýravinur).

Ég býð upp á persónuleika, gáfur, innri og ytri fegurð, í skiptum fyrir hvað
baróninn ljóstraði upp leyndarmáli sínu og hvítnaði! Þegar hann sá Kúnígúnd sólbrúna,
til að hefja vinasamband með venjulegri einstæðri móður – 03-svæðinu, 179-60, 30-40 ára gömul, menntuð, dýravinur –
sem tekur þátt í sömu kakófónísku samtalstilrauninni um lífið og lífsgildin.

Baróninn ljóstraði upp leyndarmáli sínu og hvítnaði! Þegar hann sá Kúnígúnd sólbrúna:
eitt stykki aldeilis ótrúlega gáfuð kona, sem er á undan sinni samtíð,
sem tekur þátt í sömu kakófónísku samtalstilrauninni um lífið og lífsgildin –
með stór brjóst og skvampandi graða píku,

eitt stykki aldeilis ótrúlega gáfuð kona, sem er á undan sinni samtíð.
Það er erfitt að ímynda sér gott safn án einstakra ljóða á borð við þessi.
Með stór brjóst og skvampandi graða píku.
Betri máltíð hefur enginn notið.

Það er erfitt að ímynda sér gott safn án einstakra ljóða á borð við þessi
sem inniheldur að hluta til órafmagnaða tónlist og að hluta til aldamótatónlist:
Betri máltíð hefur enginn notið,
burtséð frá veitingunum í hléi helgrar athafnarinnar. Ég var virkilega skelfingu lostinn

sem inniheldur að hluta til órafmagnaða tónlist og að hluta til aldamótatónlist
sem er varpað á vegginn með aðstoð tölvu og skjávarpa,
burtséð frá veitingunum í hléinu undir helgri athöfninni. Ég var virkilega skelfingu lostinn
þegar ég sá þennan sterka Biscay-búa á brennunni sem verandi guðfaðir hafði gift sig guðmóðurinni

sem er varpað á vegginn með aðstoð tölvu og skjávarpa:
XXL-stærð safarík stórbrjósta rökuð býður mönnum af öllum stærðum og gerðum huggun í Yliviesk kvölds og nætur
þegar ég sá þennan sterka Biscay-búa á brennunni sem verandi guðfaðir hafði gift sig guðmóðurinni
ég verð æst þegar hann þrýstir tungunni á sér upp í ókunnugan mann,

XXL-stærð safarík stórbrjósta rökuð býður mönnum af öllum stærðum og gerðum huggun í Yliviesk kvölds og nætur
Sel PLAYSTATION2 + tvær fjarstýringar + minniskort + leikirnir Gta3 og Fifa + snúrur + bæklingar + kvittun.
Ég verð æst þegar hann þrýstir tungunni á sér upp í ókunnugan mann,
Mira vill vita hvernig þú ætlar að höndla hana. Ekki vera neinn lúser.

Sel PLAYSTATION2 + tvær fjarstýringar + minniskort + leikirnir Gta3 og Fifa + snúrur + bæklingar + kvittun.
Ég er María. Ég bý í Vantaa. Þú átt að hafa heilbrigðar skoðanir og stæltan líkama.
Mira vill vita hvernig þú ætlar að höndla hana. Ekki vera neinn lúser.
Leita að jafnaldra sem stundar íþróttir, ekki undir 175 cm.

Ég er María. Ég bý í Vantaa. Þú átt að hafa heilbrigðar skoðanir og stæltan líkama.
Stykkið fer samtímis fram á tveimur plönum.
Leita að jafnaldra sem stundar íþróttir, ekki undir 175 cm.
Hvaða staður sem er þar sem almenningur heldur sig þjónar tilganginum.

Eiríkur Örn Norðdahl um Leevi Lehto:

Það er mið nótt í San Pedro Sula og ég vakna við einhverja óeirð, byltandi mér í rúminu, fæ mér vatn og lít hér inn til að uppgötva að finnska stórskáldið og vinur minn Leevi Lehto er látinn. Það var kannski ekki óviðbúið, hann hafði verið veikur um hríð en alltaf skal lokaspretturinn samt koma manni á óvart. Ég uppgötvaði Leevi á netinu fyrir hundrað árum og hann var einn af hvötunum fyrir því að ég startaði Ljóðahátíð Nýhils á sínum tíma – til að flytja inn fólk einsog hann, brjálaða framúrstefnusnillinga sem teygðu mörk ljóðlistarinnar án þess að gefa nokkurn afslátt af sársaukanum eða fegurðinni. Skáld sem sýndu manni hvers tungumálið væri megnugt. Leevi var konseptskáld, rómantíker, forritunarskáld, hljóðaljóðskáld – sló í gegn ungur en hætti svo lengi að skrifa ljóð, var ræðuskrifari fyrir kommúnistaflokkinn. Einu sinni benti hann mér á fallegt ritsafn á heimili sínu sem innihélt ræður, greinar og innanflokksdeilur ýmsra finnskra kommúnista – og sagði að þetta hefði verið sín ljóðlist um áraraðir, að rífast við sjálfan sig um hugmyndafræðileg smáatriði í annarra nafni. En Leevi reyndist fleira – hann reyndist líka maður sem var óþrjótandi í að prómótera aðra. Fyrstu myndböndin á youtuberásinni hans eru af íslenskum (og útlenskum) skáldum á nefndri ljóðahátíð í stúdentakjallaranum. Hann stofnaði tímarit og útgáfur og skipulagði hátíðir og ráðstefnur og þýddi af ástríðu – af því hann elskaði bókmenntirnar og skáldin meira en flestir ef ekki allir sem ég hef kynnst. Það var mjög smitandi. Þegar ég flutti sjálfur til Helsinki kynnti hann mig fyrir öllum – ekki bara skáldunum heldur líka fjölskyldunni – og bauð mig og mína velkomin. Innanum ljóðamyndböndin á áðurnefndri youtuberás eru tvö úr brúðkaupinu mínu – ljóðlaus, annað er brúðarskottísinn okkar Nödju. Fáir hafa haft jafn mikil áhrif á mig – Leevi var frábært skáld, evrópskur stórmeistari og bókmenntaaktífisti – finnskar bókmenntir eru óhugsandi án hans. Við heyrðumst svo lítið eftir að ég flutti en ég heyrði af honum og rakst stundum á hann í Helsinki, aðallega fyrir tilviljun. Fyrir nokkrum árum, ekki löngu áður en hann veiktist, fékk ég svo þann mikla heiður að lesa saman með Leevi, Ciu Rinne og Adachi Tomomi í Kiasma í Helsinki, sem var afar kærkomið – ekki síst af því það var alltaf svo gaman að hitta Leevi, hann fyllti mann ástríðu. Ég hef meðvitað og ómeðvitað oft spurt mig í gegnum tíðina hvernig maður gæti verið meira einsog Leevi – því það var svo augljóslega gott. Og nú er ég glaðvakandi um miðja nótt – og bara mjög sorgmæddur.