Sæll og blessaður kæri hringjandi. Ég skil ekkert í mér að vera ekki við. Ætli ég sé ekki að bisast eitthvað í húsverkum eða ég hef dottað yfir sjónvarpinu. Leggðu bara inn skilaboð, ég hef nýlega lært að hlusta á þau. Margbless!

Góða kvöldið, þetta er grafíski hönnuðurinn hér, ég vildi bara halda þér upplýstri með dagatalið ykkar. Ég er sem sagt búinn að setja þig á október mánuð eins og þú baðst um, það var ekkert mál. Flestar konurnar voru ekki með ósk um sérstakan mánuð. Enn hitt er það að ég þurfti að vinna svoldið með myndina þína. Ég kunni ekki við annað, þín og þinna vegna að skera svolítið í lærin á þér, svo að þau lægju ekki svona klunnalega saman. Svo setti ég örlítið glans í vangana. Opnaði varirnar, og dró tunguna út og vafði henni utan um líkamann.

Dagatal kvenfélagsins er áður óbirt ljóð eftir Evu Rún Snorradóttur.