Þegar við erum lágt stemmd eða í geðlægð eigum við oft mjög erfitt með að taka okkur eitthvað fyrir hendur sem gæti breytt ástandinu og bætt líðan okkar. Ein af ástæðunum getur verið sú að okkur dettur einfaldlega ekkert í hug. Ímyndunaraflið er ekki beinlínis upp á marga fiska. Þá getur verið gott að eiga lista yfir ánægjulegar athafnir. Þú skalt gera þinn eigin lista sem hæfir þínum efnahagslega veruleika.

hlusta á tónlist
loka augunum, anda djúpt og brosa yfir bankakaffibollanum

fara í gönguferð úti í náttúrunni
horfa á sólsetrið eða sólarupprás

að ílengjast á bókasafni
gera áætlun um ferðalag og reikna það sem sparnað þegar þú hættir við að fara

öskra á óvini þína
borða gámapizzur fyrir framan crossfitstöðvarnar

anda að þér súrefninu á óviðrisdögum
fasta á tyllidögum
og ganga í sjóinn
ganga í augun

drekka vínglas á opnunum (nema þú hafir áfengisvandamál!)

að fara í kynsjúkdómatékk
að ræna bílum fiskikónga

að hlusta á rigninguna
að ganga í rigningunni

að kveikja bál
að öskra á óvini
í rigningunni

hugsa um að kveikja bál á óvini
á heitum sumardegi

að anda að þér sinubruna
að lippast niður

að skoða myndabók á bókasafni