Úr Því miður


Því miður eru allir þjónustufulltrúar okkar með lágt sjálfsálit, kvíða, þunglyndi eða aðra kvilla sem húka eins og flækingshundar undir fullu tungli. Þú ert líka með svona kvilla, því miður. En hinkraðu á línunni, lokaðu augunum og sjá: hin fögru andlit, hin marglitu hrjáðu andlit. Þetta eru andlit þjónustufulltrúanna. Þau eru kvalin og kringlótt og sviplaus, eins og pítsurnar okkar, því miður.


Því miður er sjötta bók Dags Hjartarsonar. Bókin er 50 blaðsíður og kolefnisjöfnuð.
Tunglið forlag gefur út.