-án titils-

Er orðinn góður bara, svona um það bil einn og hálfur maður og tvær konur. Mér finnst þetta lofandi og þetta ískur er dáleiðandi. Enda ekkert sem flækir málin nema kannski tunglið sem malar í sífellu og sýgur upp í nefið, þunglynt tungl sem veit ekki hvað bíður þess við sólarupprás. En mér finnst þetta ágætt enda alltaf nakinn í grasinu að þylja maríubænir og borða mosa eða rabarbara, bara semsagt bara, er bara fínn, takk fyrir að spyrja en af hverju ertu svona, með nefið oní öllu þú sem ert alltaf í grunsamlegum stellingum, já við sjáum það alveg, alltaf svona hálfboginn, kengboginn en ekki vera neitt að spá í það samt, þú ert ekkert svo slæmur. En kannski ég bara fari út á heimsenda, og deyi svona smá. Ég er að spá í það, eða bara fara í Costco og deyja smá, er það ekki sniðugt þar? Er ekki Costco bara sæmilegur staður til að deyja smá kannski nálægt Kirkland kjúklingnum? Hvernig er brie ostur annars, veist þú það, alltaf einhver að sjúga upp í nefið og tala um bríe osta hérna. Annars lofa ég að senda þér fokkings snapchat á morgun af súpunni sem ég mun drekkja mér í í beinni.