það er upplagt

að leggja þetta upp

sagði maðurinn

og hallaði undir flatt.

Konan leit á hann

vantrúuð

ég veit það ekki, mér finnst þetta

ekki upplagt

sagði hún og lagðist upp

maðurinn leit á hana snúðugur

hann lagði upp hárið

ég skil ekki þessa mótstöðu

mótstaða, vinur minn, sagði konan letilega

og stakk litla fingri blíðlega inn í eyra hans

mótstaða er upplögð

vertu nú einu sinni upplagður

hún lagðist oná hann og setti hönd fyrir munn hans

ekki tala meira sagði hún blíðlega